Ian Jeffs var tilkynntur sem nýr þjálfari Breiðablik í byrjun nóvember.
Breiðablik eru ríkjandi Íslands- og bikarmeistarar.
Leikurinn hefst 17:30 á morgun.
Breiðablik mætir sænska liðinu Häcken annað kvöld í fyrri leik liðanna í átta liða úrslitum Evrópubikarsins. Leikurinn hefst 17:30 og fer fram á Hisingen leikvanginum í Gautaborg.
Breiðablik tryggði sér sæti í átta liða úrslitunum með fræknum sigri á dönsku meisturunum í Fortuna Hjörring um miðjan nóvember. Þá stýrði Nik Chamberlain liðinu, en í kjölfarið tók Ian Jeffs við stjórnartaumunum eftir að Chamberlain færði sig yfir til Kristianstad.
Snæbjört Pálsdóttir, fréttamaður Fótbolta.net, ræddi við Ian Jeffs á sunnudaginn og fór yfir undirbúning liðsins og komandi verkefni gegn Hacken.
Breiðablik tryggði sér sæti í átta liða úrslitunum með fræknum sigri á dönsku meisturunum í Fortuna Hjörring um miðjan nóvember. Þá stýrði Nik Chamberlain liðinu, en í kjölfarið tók Ian Jeffs við stjórnartaumunum eftir að Chamberlain færði sig yfir til Kristianstad.
Snæbjört Pálsdóttir, fréttamaður Fótbolta.net, ræddi við Ian Jeffs á sunnudaginn og fór yfir undirbúning liðsins og komandi verkefni gegn Hacken.
„Þessi leikur leggst ágætlega í okkur. Þetta er spennandi tækifæri að mæta góðu liði og við förum inn í leikinn og njótum þess að vera komin svo langt í þessarri keppni. Við reynum að standa okkur vel og hugsum ekki meira en það. Hópurinn er klár í þetta og við erum vel stefnd.“
Liðið hóf undirbúning fyrir tímabilið í upphafi árs eftir að hafa leikið í Evrópukeppni fram undir miðjan nóvember.
„Við erum búin að gera eins vel og hægt er á þessum árstíma. Það eru fáir leikir en við erum búin að taka nokkra æfingaleiki og mættum Val í Lengjubikarnum. Við erum klárlega eftir á öðrum íslenskum liðum akkúrat núna. Við fórum seint af stað og erum bara búin að vera æfa síðan 5. janúar. Við erum búin að gera eins mikið og hægt er og vonandi erum við vel undirbúin fyrir þetta verkefni, það kemur í ljós.“
Hvernig meturu andstæðinginn?
„Hacken er mjög gott lið með marga góða leikmenn. Síðan eru þær að ganga í gegnum miklar breytingar eins og hjá okkur. Þær eru búnar að missa marga góða leikmenn og þjálfarann líka. Við erum búin að leikgræna þær vel og fórum yfir styrkleika og veikleika þeirra. Mesta einbeitingin er á okkur þar sem við erum að þróa okkar leik. Við erum með nýtt þjálfarateymi og margar breytingar. Það tekur alltaf tíma að koma með nýjar áherslur.“
Hvernig er staðan á hópnum?
„Bryndís (Arna Níelsdóttir) er ekki klár, henni vantar aðeins meiri tíma. Af nýju leikmönnunum er Elísa (Viðars) og Katy (Duong) komnar með leikheimild og geta spilað. Við erum búin að bæta leikmönnum inn sem voru á láni í hópinn hjá okkur. Það eru engin meiðsli fyrir utan Bryndísi.“
Viðtalið má sjá í heild sinni í spilaranum hér að ofan.
