Ólafur Kristjánsson er á leið til Danmerkur og FH er komið í þjálfaraleit. Þetta segir Hjörvar Hafliðason á Twitter.
Sagt er að Ólafur sé að fara að taka við Esbjerg en liðið féll úr dönsku úrvalsdeildinni á þessu tímabili. Liðið fékk 22 stig, fæst allra.
FH er sem stendur í 8. sæti Pepsi Max-deildarinnar með tvo sigra úr fimm leikjum. Óánægja var með tap gegn Fylki á dögunum og fékk Ólafur talsverða gagnrýni, meðal annars frá hörðum stuðningsmönnum liðsins.
Hjörvar segir að Esbjerg muni greiða FH bætur fyrir að sækja þjálfara þeirra á miðju tímabili en Ólafur er á sínu þriðja tímabili í starfinu.
Esbjerg hefur skipt ört um þjálfara undanfarin ár en Ólafi hefur áður verið boðið að taka við liðinu en í það skipti hafnaði hann tilboðinu. Hann verður fjórði þjálfari liðsins á einu ári.
Ef satt reynist verður Esbjerg þriðja danska liðið sem Ólafur verður aðalþjálfari hjá. Hann stýrði áður Nordsjælland og Randers.
Fótbolti.net hefur enn ekki náð í Valdimar Svavarsson, formann knattspyrnudeildar FH, vegna málsins.
Sagt er að Ólafur sé að fara að taka við Esbjerg en liðið féll úr dönsku úrvalsdeildinni á þessu tímabili. Liðið fékk 22 stig, fæst allra.
FH er sem stendur í 8. sæti Pepsi Max-deildarinnar með tvo sigra úr fimm leikjum. Óánægja var með tap gegn Fylki á dögunum og fékk Ólafur talsverða gagnrýni, meðal annars frá hörðum stuðningsmönnum liðsins.
Hjörvar segir að Esbjerg muni greiða FH bætur fyrir að sækja þjálfara þeirra á miðju tímabili en Ólafur er á sínu þriðja tímabili í starfinu.
Esbjerg hefur skipt ört um þjálfara undanfarin ár en Ólafi hefur áður verið boðið að taka við liðinu en í það skipti hafnaði hann tilboðinu. Hann verður fjórði þjálfari liðsins á einu ári.
Ef satt reynist verður Esbjerg þriðja danska liðið sem Ólafur verður aðalþjálfari hjá. Hann stýrði áður Nordsjælland og Randers.
Fótbolti.net hefur enn ekki náð í Valdimar Svavarsson, formann knattspyrnudeildar FH, vegna málsins.
Óli til DK. FH þarf þjálfara út tímabilið. @davidarsson væri frábær lausn með Lauga með sér.
— Hjörvar Hafliðason (@hjorvarhaflida) July 16, 2020
Athugasemdir