Jóhann Berg í viðtali í dag.
„Nú er ég alveg eins og nýr. Ég er klár núna," sagði Jóhann Berg Guðmundsson léttur í bragði í samtali við Fótbolta.net í dag.
Jóhann Berg kom inn á undir lokin í 4-2 tapinu gegn Pólverjum en hann byrjaði ekki leikinn eftir að hafa verið að glíma við meiðsli.
Jóhann er vanalega á kantinum hjá landsliðinu en hann kom inn á í fremstu víglínu fyrir Jón Daða Böðvarsson gegn Pólverjum.
Jóhann Berg kom inn á undir lokin í 4-2 tapinu gegn Pólverjum en hann byrjaði ekki leikinn eftir að hafa verið að glíma við meiðsli.
Jóhann er vanalega á kantinum hjá landsliðinu en hann kom inn á í fremstu víglínu fyrir Jón Daða Böðvarsson gegn Pólverjum.
„Ég held að ég sé betri á kantinum. Ég get spilað frammi líka en ég held að ég sé betur settur á kantinum," sagði Jóhann.
Jóhann segir ekkert annað koma til greina en sigur á morgun eftir fjóra leiki í röð án sigurs.
„Þetta er orðið alltof langt. Við þurfum að rífa okkur í gang og vinna leikinn á morgun. Þó að þetta sé vináttuleikur þá viljum við að sjálfsögðu vinna alla leiki," sagði Jóhann.
Hér að ofan má sjá viðtalið í heild sinni.
