„Bara svolítið svekktur, vegna þess að mér fannst við spila góðan leik. Mér fannst við taktískt mjög flottir og mér fannst þeir eiga erfitt með að skapa eitthvað á móti okkur. Þeir eru mjög sterkir í föstum leikatriðum og voru svona að ná sköllum þar og í rauninni fáum við tvö góð færi. Danijel kemst hérna tveir á einn og klikkar ein þversending og svo í seinni hálfleik kemst Kári í flotta stöðu þannig að mér fannst okkar leikur ganga upp að miklu leyti,'' sagði Hallgrímur Jónasson, þjálfari KA, eftir 0-2 tap gegn Íslandsmeisturum Víkings R. í Bestu-deild karla í kvöld.
Lestu um leikinn: KA 0 - 2 Víkingur R.
Hann hélt áfram: „Ég veit ekki hvort að þetta sé víti eða ekki. Þetta var stórfurðulegt móment. Markmaðurinn okkar meiðist og þeir droppa boltanum niður, bara ein sending og kominn einn í gegn. Ég veit ekki hvort þetta sé "fair play" eða ekki, það er það sennilega bara. Við sofnum í eina sekúndu og alvöru lið, þau nýta sér það oft og refsa. Klaufalegt atriði sem að mér fannst einhvernveginn breyta leiknum. Þegar við lendum undir þá var þetta náttúrulega erfitt og svo skora þeir úr föstu leikatriði,'' sagði Hallgrímur.
Stigasöfnun KA verður ekki öllu verri eftir fyrstu tvo leiki mótsins, núll talsins - en þó hefur spilamennska liðsins gefið KA fólki ákveðna ástæðu til bjartsýni, að mati fréttaritara.
„Já, sammála þér. Við erum bara á mjög flottum stað. Við erum búnir að fá leikmenn seint inn, leikmenn sem hafa ekki verið að spila í sínum liðum og það vita það allir sem að þekkja vel til fótbolta að það tekur tíma að koma sér í alvöru fótboltastand. Það tekur tíma að kynnast nýrri taktík, nýju landi. Þessi tvö lið eru búin að hafa sína menn í held ég 5-6 mánuði á æfingum, en við kannski marga í nokkrar vikur eða nokkra daga jafnvel! Svo að mér finnst við vera á flottum stað, líta vel út og finnst við skemmtilegir. Alvöru "attitude" og ég er ánægður með strákana. Mér fannst ekki sanngjarnt að við töpuðum fyrir Stjörnunni, dæmt af okkur löglegt mark og í dag töpum við á móti firnasterku liði þar sem að við stóðum okkur vel. Þannig að það er enginn skjálfti í okkur KA mönnum þó að við séum með núll stig eftir þessa tvo mótherja,'' sagði Hallgrímur.
Mark dæmt af í fyrstu umferð og furðuleg atburðarrás sem leiðir til vítaspyrnudóms - svíða ekki svona hlutir?
„Auðvitað svíður dómaramistök, en þeir eru að reyna að gera sitt besta. Í dag er þetta kannski meira við sjálfir sem að hefðum átt að vera tilbúnir, en það eru lítil móment í fótbotaleikjum skipta máli og því miður þá hefur þetta verið aðeins á móti okkur núna. En eins og ég segi, við erum bara mjög ánægðir með hópinn og við erum mjög ánægðir með frammistöðurnar. Það er frábær stemning í hópnum og bara allsstaðar í kring. Ég hef engar áhyggjur af því, þetta er langt mót og stigin munu koma og við stefnum að því að gera mjög vel í sumar og það hefur ekkert breyst,'' sagði Hallgrímur Jónasson.
Viðtalið má sjá í heild sinni hér að ofan.
