Leikurinn er klukkan 16 á morgun, laugardag
Freyr Alexandersson, þjálfari Brann.
Íslendingaliðið Brann í norska boltanum leikur bikarúrslitaleik gegn Bodö/Glimt í Osló á morgun laugardag en leikurinn hefst klukkan 16 að íslenskum tíma.
Stuðningsmannaklúbbur Brann á Íslandi ætlar að hittast á Ölveri í Glæsibæ og horfa á leikinn.
Stuðningsmannaklúbbur Brann á Íslandi ætlar að hittast á Ölveri í Glæsibæ og horfa á leikinn.
„Ég nötra af spennu fyrir þessum leik og hvet alla sem hafa áhuga á að horfa á leikinn til að slást í hópinn og fá sér jafnvel nokkra kalda drykki með," segir Valur Gunnarsson, formaður stuðningsmannaklúbbs Brann á Íslandi.
Freyr Alexandersson þjálfar Brann og fjórir íslenskir leikmenn eru hjá félaginu. Jón Dagur Þorsteinsson hefur spilað alla deildarleiki liðsins á tímabilinu, Kristall Máni Ingason er tæpur fyrir leikinn og Sævar Atli Magnússon og Eggert Aron Guðmundsson eru á meiðslalistanum.
