Úlfur Ágúst Björnsson, sóknarmaður FH, var borinn af velli undir lok leiks liðsins gegn Breiðabliki á Kópavogsvelli í kvöld.
Meiðslin litu alls ekki vel út og virtist Úlfur finna mikið til.
Meiðslin litu alls ekki vel út og virtist Úlfur finna mikið til.
Lestu um leikinn: Breiðablik 3 - 3 FH
Fótbolti.net ræddi við hann í kvöld þar sem hann var að ljúka heimsókn á slysamóttökuna.
„Það er ekkert brot, það er það sem er vitað á þessum tímapunkti, þannig ég er léttur," segir Úlfur sem var ekki kominn heim þegar Fótbolti.net hafði samband. Úlfur lá eftir inn á vítateig þegar FH eftir baráttu inn á teignum.
„Ég veit ekki hvað tekur við, ég er búinn í röntgen og það kom vel út. Ég fer örugglega í segulómun til að skoða ökklann betur," segir Úlfur.
Lokatölur á Kópavogsvelli urðu 3-3, Úlfur Ágúst lagði upp þriðja mark FH fyrir Gils Gíslason en var svo brotlegur þegar Breiðablik fékk vítaspyrnu seinna í leiknum og jafnaði Höskuldur Gunnlaugsson í 3-3 af vítapunktinum.
