Fram fékk heimsókn frá Val í kvöld. Leikurinn var partur af 6.umferð Bestu Deildar Karla.
3-2 sigur Fram var niðurstaðan í fjörugum leik á Lambhagavellinum. Mark á lokamínútu tryggði Fram öll stigin og þriðja sigurinn í röð.
Lestu um leikinn: Fram 3 - 2 Valur
„Stórkostleg tilfinning, held ég hef sjaldan fagnað eins mikið og núna. Mér fannst við eiga skilið að vinna þennan leik og hefði verið gríðarlega ósáttur við jafntefli."
Fram lenti tvisvar sinnum undir í fyrri hálfleik en 2-2 var staðan þegar liðin mættu í seinni hálfleikinn.
„Gríðarlega sáttur með trúna sem er í hópnum, höfum lært svolítið af Þórs leiknum. Menn eru fljótir að núll stilla sig."
Þriðji sigurinn í röð og þriðji leikurinn með sama byrjunarlið.
„Það er mikil samkeppni og karakterinn góður og ég er mjög ánægður með framlag allra. Erum búnir að fá þrjú mörk af bekknum í sex leikjum. Þannig við erum að fá hjálp frá öllum. Góð liðsheild sem við erum búnir að skapa."
Framundan hjá Fram liðinu er annar hörku leikur gegn toppliði KR. Um þann leik hafði Rúnar Kristinsson, fyrrum þjálfari KR þetta að segja: „Það er rúm viku og við förum að leggjast yfir það hvernig er hægt að stríða þeim og gera þeim lífið leitt. Þeir eru búnir að vinna alla leikina sína, ótrúleg byrjun og þeir eru hrikalega flottir. Spennandi verkefni fyrir okkur."
