Kaupverðið tuttugu milljónir punda
Thiago Alcantara, miðjumaður Bayern Munchen, er á leið til Liverpool en enskir fjölmiðlar greina frá þessu.
Thiago mun skrifa undir fjögurra ára samning við ensku meistarana en hann mun fá treyju númer 6 hjá félaginu.
Thiago mun skrifa undir fjögurra ára samning við ensku meistarana en hann mun fá treyju númer 6 hjá félaginu.
Fyrst var talið að kaupverðið yrði í kringum 27 milljónir punda en nýjustu fréttir herma að Liverpool greiði 20 milljónir punda og ofan á það geti bæst bónusgreiðslur upp á 5 milljónir punda.
Thiago er ennþá staddur í Þýskalandi en framundan er læknisskoðun áður en félagaskiptin verða kláruð.
Thiago hóf feril sinn hjá Barcelona en hann hefur leikið með Bayern Munchen síðan árið 2013.
Athugasemdir
