„Þetta var mjög svekkjandi,'' segir Gunnar Heiðar Þorvaldsson, þjálfari Vestra, eftir 2-1 tap gegn HK í lokaumferð Lengjudeildarinnar.
Lestu um leikinn: HK 2 - 1 Vestri
Vestri fékk á sig tvö mörk í lok leiksins, eftir að hafa verið yfir frá 11. mínútu.
„Ég myndi ekki segja að það hafi verið mikið réttlæti í þessu, en þannig er það búið að vera smá hjá okkur. Ef við skorum ekki úr tækifærum okkar til að komast tveimur eða þremur mörkum yfir, þá höfum verið að gefa mörk frá okkur. Núna voru það ekki við sem gáfum mörk frá okkur, það var dómari sem gerði það.''
Gunnar var alls ekki sáttur með dómaranum í þessum leik.
„HK menn voru búnir að öskra yfir þessu alveg frá fyrri hálfleik, um að fá víti. Þegar það er búið að öskra svona oft á þig um að fá víti og sérð svo gæja detta niður þá hugsarðu , jæja núna þarf maður að gefa þeim víti, af því það er búið að tuða svo mikið um það,''
Gunnar hefur ákveðið að hætta sem þjálfari Vestra.
„Ég ræddi vel og lengi við stjórn Vestra hvernig við myndum sjá lausn til framtíðar. Ég bjó fyrir vestan allt sumar og var ekkert að fara mikið fram og til baka eins og kannski margir aðrir hafa gert. Það voru aðrir hlutir sem við vorum ekki alveg sammála með. Mér finnst ég hafa tekið við erfiðasta giggi landsins á þeim tíma og mér finnst ég hafa skilað þessu ágætlega,'' segir Gunnar
Hægt er að horfa á viðtalið í heild sinni hér fyrir ofan.