Pafos tryggði sér sæti í Meistaradeildina í fyrsta sinn í sögu félagsins í gegnum umspilið.

Brasilíski framherjinn Bruno fékk gula spjaldið eftir fimmtán mínútna leik og níu mínútum síðar var hann sendur í sturtu fyrir hrikalega klaufalegt brot.

Tíu leikmenn Pafos gerðu frábærlega gegn Olympiakos sem fann ekki leið framhjá markverði Kýpverja.

Pafos er því komið með fyrsta stig sitt, en leikmenn Olympiakos munu væntanlega fá fyrir ferðina í grísku miðlunum og frá stuðningsmönnum eftir leik enda mjög niðrandi fyrir félag af þessari stærðargráðu að tapa fyrir liði frá Kýpur, grannaþjóð Grikkja.

Norsku meistaranir í Bodö/Glimt áttu frábæra endurkomu gegn Slavía Prag í 2-2 jafntefli í Tékklandi.

Youssoupha Mbodji braut ísinn í leiknum á 23. mínútu. Kaspher Hogh gat jafnað fyrir Bodö snemma í seinni hálfleiknum, en klikkaði á vítapunktinum.

Mbodji refsaði með öðru marki á 74. mínútu, en heimamönnum tókst að glutra forystunni niður á síðasta stundarfjórðungi leiksins. Daniel Bassi minnkaði muninn á 78. mínútu og undir lok leiks skoraði Sondre Fet stórbrotið mark í slá og inn með frábæru skoti við vítateigslínuna.

Svekkjandi hjá Slavía Prag sem neyddist til að deila stigunum með Bodö/Glimt.

Olympiakos 0 - 0 Pafos FC
Rautt spjald: Bruno, Pafos FC ('26)

Slavia Praha 2 - 2 Bodo-Glimt
1-0 Youssoupha Mbodji ('23 )
1-0 Kasper Hogh ('54 , Misnotað víti)
2-0 Youssoupha Mbodji ('74 )
2-1 Daniel Bassi ('78 )
2-2 Sondre Fet ('90 )