Enski miðjumaðurinn Jude Bellingham er kominn aftur í leikmannahóp Real Madrid eftir tveggja mánaða fjarveru.
Bellingham missti af upphafi tímabilsins eftir að hafa farið í aðgerð á öxl eftir HM félagsliða í sumar en gæti komið við sögu gegn Marseille í kvöld.
Bellingham er búinn að jafna sig eftir aðgerðina en hann hefur misst af fjórum deildarleikjum hjá Real Madrid.
Ljóst er að miðjumaðurinn sókndjarfi þarf að fá spiltíma í lappirnar til þess að komast í gott leikform.
Franski miðjumaðurinn Eduardo Camavinga er einnig kominn aftur úr meiðslum. Hann hefur verið frá keppni í tæpa fimm mánuði eftir meiðsli aftan á nára sem hann varð fyrir gegn Getafe í lok apríl.
29.08.2025 10:05
Anderson í enska landsliðið í stað Bellingham
Athugasemdir
