Ísland í dag - Umspilið um sæti í Bestu fer af stað

Fyrri undanúrslitaleikirnir í umspilinu í Lengjudeildinni um sæti í Bestu deildinni fara fram í dag.

Það er nágrannaslagur klukkan 16:45 þar sem Keflavík fær Njarðvík í heimsókn. Keflavík var hársbreidd frá því að vinna umspilið í fyrra en liðið tapaði gegn Aftureldingu í úrslitum. Sigur gegn Selfossi í lokaumferðinni tryggði Keflavík sæti í umspilinu.

Njarðvík var aðeins tveimur stigum frá því að fara beint upp.

HK fær Þrótt í heimsókn í hinum undanúrslitaleiknum. HK vann Völsung í lokaumferðinni sem gulltryggði liðinu sæti í umspilinu. Þróttur tapaði gegn Þór sem varð til þess að liðið missti af toppsætinu og þar með sæti í Bestu deildinni.

Seinni undanúrslitaleikirnir fara fram sunnudaginn 21. september.