Umtiti leggur skóna á hilluna (Staðfest)
Umtiti var mikilvægur hlekkur í liði Frakka á HM 2018. Hann byrjaði alla leiki liðsins nema einn þrátt fyrir meiðslin.
Mynd: FIFA
Umtiti var mikilvægur hlekkur í liði Frakka á HM 2018. Hann byrjaði alla leiki liðsins nema einn þrátt fyrir meiðslin.
Mynd: FIFA
Franski varnarmaðurinn Samuel Umtiti er búinn að leggja takkaskóna á hilluna eftir ótrúlega meiðslahrjáðan fótboltaferil.
Hann er 31 árs gamall og var síðast samningsbundinn Lille í efstu deild franska boltans.
Umtiti þótti á sínum tíma einn mest spennandi miðvörður heimsfótboltans þegar hann var mikilvægur hlekkur í liði Lyon í kringum tvítugsaldurinn.
Barcelona keypti hann til sín sumarið 2016 og vann hann sér inn byrjunarliðssæti hjá stórveldinu. Á sínu öðru tímabili á Spáni byrjaði hann að finna fyrir hnémeiðslum sem áttu eftir að eyðileggja ferilinn hans.
Umtiti þurfti að fara í aðgerð en hann hefði þá misst af heimsmeistaramótinu 2018 með Frakklandi, svo hann kaus að spila frekar í gegnum sársaukann. Umtiti og félagar urðu heimsmeistarar, en honum tókst aldrei að láta laga vinstra hnéð.
Hann spilaði meiddur næstu árin en gat aðeins tekið þátt í um 15 til 20 leikjum á hverju tímabili. Hnéð hefur versnað enn frekar með árunum svo nú hefur Umtiti ákveðið að hætta í fótbolta.
Umtiti þótti á sínum tíma einn mest spennandi miðvörður heimsfótboltans þegar hann var mikilvægur hlekkur í liði Lyon í kringum tvítugsaldurinn.
Barcelona keypti hann til sín sumarið 2016 og vann hann sér inn byrjunarliðssæti hjá stórveldinu. Á sínu öðru tímabili á Spáni byrjaði hann að finna fyrir hnémeiðslum sem áttu eftir að eyðileggja ferilinn hans.
Umtiti þurfti að fara í aðgerð en hann hefði þá misst af heimsmeistaramótinu 2018 með Frakklandi, svo hann kaus að spila frekar í gegnum sársaukann. Umtiti og félagar urðu heimsmeistarar, en honum tókst aldrei að láta laga vinstra hnéð.
Hann spilaði meiddur næstu árin en gat aðeins tekið þátt í um 15 til 20 leikjum á hverju tímabili. Hnéð hefur versnað enn frekar með árunum svo nú hefur Umtiti ákveðið að hætta í fótbolta.
TENGT EFNI
