Wolves hefur verið að gera flotta hluti undir stjórn Gary O'Neil og unnu þeir frábæran sigur á útivelli gegn Tottenham í ensku úrvalsdeildinni í gær.
O'Neil var kampakátur eftir sigurinn á Tottenham Hotspur Stadium, þar sem Joao Gomes skoraði bæði mörk Úlfanna eftir stoðsendingar frá Pablo Sarabia og Pedro Neto.
„Strákarnir voru stórkostlegir í dag og áttu sigurinn fyllilega skilið. Við þurftum að verja hluta af leiknum í mjög lágri vörn enda vorum við að spila við gríðarlega sterka andstæðinga, en strákunum tókst að loka á þá. Við vorum betra liðið í leiknum og fengum líka frábær færi úr skyndisóknum. Við áttum að vera búnir að gera út af við leikinn fyrir lokaflautið," sagði O'Neil.
„Joao skoraði tvö frábær mörk en við fengum nokkur önnur frábær færi sem við nýttum ekki. Strákarnir sýndu frábæra frammistöðu og ég er verulega stoltur af þeim."
Úlfarnir eru um miðja deild eftir þennan sigur, með 35 stig eftir 25 umferðir. Þeir geta blandað sér í baráttuna um Evrópusæti með góðum úrslitum í næstu leikjum.
„Það voru vonbrigði að fá þetta mark á okkur sérstaklega því það var keimlíkt markinu sem við fengum á okkur á síðustu mínútu í tapinu gegn Manchester United, leikmenn misstu einbeitingu og gleymdu sér. Það er líklega það eina neikvæða við sigurinn í dag fyrir utan færanýtinguna sem við þurfum að bæta. Ég er mjög ánægður með varnarleikinn og sköpunina.
„Það er frábært að vinna tvo útileiki í röð gegn Chelsea og Tottenham en við verðum að bæta okkur í leikjum gegn andstæðingum sem spila öðruvísi fótbolta. Við eigum í erfiðleikum gegn liðum sem verjast þétt og beita skyndisóknum."
O'Neil staðfesti að lokum að framherjinn öflugi Matheus Cunha mun líklega ná síðustu leikjum tímabilsins, en hann meiddist illa á dögunum og er byrjaður í endurhæfingu.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
