Al-Nassr mistókst að komast nær toppliði Al-Ittihad í sádí-arabísku deildinni eftir tap gegn Al-Qadsiah í kvöld.
Al-Qadsiah var með 1-0 forystu í hálfleik en Sadio Mane jafnaði metin á 84. mínútu þegar hann slapp einn í gegn. Aðeins þremur mínútum síðar tryggði Pierre-Emerick Aubameyang Al-Qadsiah sigurinn með skallamarki.
Cristiano Ronaldo og Jhon Duran voru í fremstu víglínu hjá Al-Nassr en komust ekki á blað. Riyad Mahrez fór hamförum þegar Al-Ahli vann öruggan sigur á Al-Fayha.
Ibanez skoraði tvö fyrstu mörk leiksins en Mahrez lagði upp bæði mörkin. Ivan Toney kom liðinu í 3-0 með marki í uppbótatíma fyrri hálfleiks og aftur var Mahrez arkitektinn.
Toney skoraði úr vítaspyrnu og kom Al-Ahli í 4-0 áður en Mahrez innsiglaði 5-0 sigur.
Al-Nassr er í 3. sæti með 57 stig, átta stigum á eftir Al-Ittihad sem tapaði gegn Al-Fateh í gær. Al-Ahli er í 4. sæti með 55 stig, jafn mörg stig og Al-Qadsiah sem er í 5. sæti.
Athugasemdir
