Liðin mætast kl.13 í London í áhugaverðum leik. Fyrir umferðina situr Man Utd í efsta sæti deildarinnar á markatölu en West Ham er í því áttunda, með einungis tveimur stigum minna.

Moyes segir að Ole sé að gera góða hluti með liðið og að það geti barist um þann stóra á Englandi á ný.

„Ég held að Ole hafi fengið alvöru tækifæri til að búa til sitt lið. Hann er að gera góða hluti að mínu mati. Hann er með lið sem getur klárlega barist um Englandsmeistaratitilinn og verið aftur keppnishæfir," sagði þessi fyrrverandi stjóri Manchester United.

Solskjær var mikið gagnrýndur eftir tap United gegn Young Boys í Meistaradeild Evrópu fyrr í vikunni. Hann hefur tapað sjö af ellefu leikjum sínum sem stjóri United í deild þeirra bestu.