Árni Vilhjálmsson er kominn aftur heim í Kópavog þar sem hann mun spila með Blikum næstu tvö árin.
Árni gæti orðið einn af bestu leikmönnum Pepsi Max-deildarinnar en þessi 26 ára gamli framherji hefur reynt fyrir sér í atvinnumennskunni í Noregi, Svíþjóð, Póllandi og Úkraínu undanfarin ár.
Árni skoraði 33 mörk í 85 keppnisleikjum með Blikum og gerði 1 í 8 leikjum að láni hjá Haukum átján ára gamall.
Hann er spenntur fyrir heimkomunni og gaf kost á sér í viðtal við BlikarTV sem er hægt að sjá hér fyrir neðan.
„Ég hef verið í sambandi við Breiðablik síðan ég fór út í atvinnumennsku fyrst og við vorum allir sammála því að árið í ár er stefnt að titlinum. Það er ekki til betri ástæða til að koma heim heldur en að kýla á þetta með þeim," sagði Árni meðal annars.
„Mér lýst mjög vel á þetta. Ég þekki megnið af liðinu og á æskuvini í liðinu. Ég á mjög góða vini og þekki kjarnann rosa vel, ég hlakka til að vera með þeim í sumar."
Sjá einnig:
Árni Vill í Breiðablik (Staðfest)
Athugasemdir