Rakel Logadóttir þjálfari HK/Víkings
HK/Víkingur lauk þátttöku sinni í Pepsi Max deildinni 2019 með 0-1 tapi fyrir Þór/KA og spilar að ári í Inkasso.
Lestu um leikinn: HK/Víkingur 0 - 1 Þór/KA
„Það er bara eins og eftir alla leiki hérna í sumar. Við töpum og eigum bara ekki alveg nógu góðan fyrri hálfleik. Seinni hálfleikur betri og svekkjandi að geta ekki skorað allavegana eitt mark og enda þetta með jafntefli."
Það hefur verið erfitt sumar og um það hafði Rakel að segja: „Já þetta er búið að vera erfitt. Við erum búin að vera með leikmenn í meiðslum eins og Arna. Svo missum við núna hana Karó Jack í leiðinleg meiðsli. Rifa í krossband skilst mér. Og fleiri svona meiðsli sem við þurftum bara að díla við. Erfitt tímabil fyrir alla andlega og líkamlega."
Hvernig hefur verið að mótivera hópinn eftir að ljóst var að liðið var fallið í þessa síðustu leiki?
„Ekkert þannig, mér fannst það ekkert erfitt. Eina sem ég hugsaði og gerði var að létta svoldið á æfingunum, hafa þetta létt og skemmtilegt. Það er búið að vera stemming á æfingum. Hef ekkert út á það að setja. Við höfum alltaf ætlað að vinna leikina sem við höfum farið í. Það hefur aldrei vantað."
Rakel segist ekki sjá eftir að hafa tekið við liðinu. „Nei. Nei nei alls ekki. Ótrúlega flottar stelpur og gaman að vinna með þeim. Sé ekki eftir neinu þó þetta sé búið að vera erfitt."
Nánar er rætt við Rakel í sjónvarpinu að ofan um framhaldið hjá henni, leikmenn og Inkasso.
Athugasemdir
