Son Heung-min hefur reynst algjör lykilmaður í liði Tottenham og hefur félagið sett það efst á forgangslista hjá sér að gera nýjan samning við suður-kóresku stórstjörnuna.
Son er 28 ára gamall og á þrjú ár eftir af samningi sínum við Tottenham og ætlar félagið að ljúka samningsviðræðum fyrir lok tímabilsins.
Son hefur verið hjá Tottenham í fimm ár og er búinn að skora 93 mörk í 236 leikjum. Á þessari leiktíð er hann kominn með 7 mörk í 5 leikjum í ensku úrvalsdeildinni.
Hann og Harry Kane mynda eitt af bestu sóknarpörum knattspyrnuheimsins og hafa verið duglegir að leggja upp fyrir hvorn annan að undanförnu.
Athugasemdir
