Jökull Elísabetarson, þjálfari Stjörnunnar, er búinn að finna sér nýjan aðstoðarmann. Steven Caulker var spilandi aðstoðarþjálfari Stjörnunnar seinni hluta tímabilsins 2025 en ákveðið var að rifta samningi hans við félagið á dögunum.
Hrannar Bogi Jónsson verður aðstoðarmaður Jökuls á næsta tímabili. Frá þessu greinir Kristján Óli Sigurðsson með færslu á X og herma heimildir Fótbolta.net það sama.
Hrannar Bogi Jónsson verður aðstoðarmaður Jökuls á næsta tímabili. Frá þessu greinir Kristján Óli Sigurðsson með færslu á X og herma heimildir Fótbolta.net það sama.
Hrannar Bogi er fæddur árið 1993 og er uppalinn hjá Breiðabliki. Hann tók við sem þjálfari Augnabliks eftir tímabilið 2021 þegar Jökull var ráðinn til Stjörnunnar og hefur gert flotta hluti með Augnablikana. Hrannar var fyrirliði Augnabliks þegar Jökull var þjálfari liðsins.
Augnablik endaði í 3. sæti 3. deildar í sumar, þremur stigum frá sæti í 2. deild.
Hrannar Bogi Jónsson er nýr aðstoðarþjálfari Stjörnunnar.
— Kristján Óli Sigurðsson (@kristjanoli) November 20, 2025
Annað skiptið sem Stjarnan stelur þjálfara af Augnabliki án þess að greiða fyrir. Hvar er virðingin við grasrótina?#HeimavinnaHöfðingjans
Athugasemdir
