Síðustu Íslendingaleikjum dagsins í evrópska boltanum er lokið þar sem Eyþór Martin Vigerust Björgólfsson kom inn af bekknum og skoraði í stórsigri Motherwell.
Motherwell var komið í fjögurra marka forystu á útivelli gegn St. Mirren í efstu deild skoska boltans þegar Eyþóri var skipt inn á 62. mínútu. Það tók hann aðeins fjórar mínútur að skora fimmta og síðasta mark leiksins.
Motherwell er í fjórða sæti skosku deildarinnar, með 50 stig eftir 27 umferðir. Liðið er tíu stigum á eftir toppliði Hearts og með einn leik til góða.
NEC Nijmegen heimsótti þá Ajax í meistaradeildarbaráttunni í Hollandi og sat Willum Þór Willumsson allan tímann á bekknum í liði Nijmegen.
Mika Godts náði forystunni fyrir Ajax í fyrri hálfleik en gestirnir voru fljótir að jafna metin í síðari hálfleiknum.
Nijmegen var sterkari aðilinn en tókst ekki að gera sigurmark, svo lokatölur urðu 1-1.
Nijmegen er að reynast spútnik lið tímabilsins í Eredivisie og er jafnt Ajax á stigum í þriðja til fjórða sæti deildarinnar, með 43 stig eftir 24 umferðir.
St. Mirren 0 - 5 Motherwell
0-1 Elijah Just ('14)
0-2 Tawanda Maswanhise ('30, víti)
0-3 Ibrahim Said ('49)
0-4 Emmanuel Longelo ('58)
0-5 Eyþór Martin Björgólfsson ('66)
Ajax 1 - 1 NEC Nijmegen
1-0 Mika Godts ('39)
1-1 Darko Nejasmic ('57)
Athugasemdir
