Anna er leikjahæsti leikmaður Stjörnunnar í efstu deild.
Stjarnan tapaði 3-0 gegn Íslandsmeisturum Breiðabliks fyrr í dag. Anna María Baldursdóttir, fyrirliði Stjörnunnar var heiðruð fyrir leik en hún sló leikjamet félagsins, þar sem hún hefur spilað 220 leiki fyrir Stjörnuna í efstu deild.
Lestu um leikinn: Stjarnan 0 - 3 Breiðablik
„Mér fannst við alveg eiga roð í þær, sérstaklega í fyrri hálfleik. Þá áttum við færi og sköpuðum fullt. Þetta var orðið erfitt í seinni hálfleik þegar við fáum annað markið á okkur."
Anna var heiðruð fyrir leik.
„Að toppa Öddu er ekki leiðinlegt, hún var kannski orðin svolítið gömul þá, en mjög gaman að ná þessu."
„Ég ætla bara að ná sem flestum leikjum og gera það erfitt fyrir næstu að ná mér, eftir svolítið mörg ár."
Viðtalið má sjá í heild sinni í spilaranum hér að ofan.
