Höttur/Huginn er með þægilega forystu á toppi 3. deildar eftir sigur á Sindra í dag.

Eina mark leiksins kom undir lok fyrri hálfleiks og var það Abdul Bangura sem varð þá fyrir því óláni að setja knöttinn í eigið net.

Þetta var annar sigur Hattar/Hugins í röð og er liðið með sjö stiga forystu á toppi deildarinnar. Sindri situr um miðja deild, þó aðeins fjórum stigum frá öðru sætinu.

Höttur/Huginn stefnir beinustu leið upp í 2. deild á meðan Sindri þarf að vinna nokkra leiki í röð til að blanda sér í baráttuna um annað sætið.