Ólafur Brynjólfsson.
Ólafur Brynjólfsson stýrði Fram til sigurs gegn Gróttu í kvöld. Ólafur var aðstoðarþjálfari Ásmundar Arnarssonar sem var rekinn í vikunni en Ólafur er tekinn við liðinu til bráðabirgða.
Ekki er vitað hvort hann muni stýra liðinu í næsta leik.
Ekki er vitað hvort hann muni stýra liðinu í næsta leik.
Lestu um leikinn: Fram 1 - 0 Grótta
„Þetta var frábær sigur. Strákarnir lögðu sig alla fram, ætluðu að ná í þrjú stig. Í öllu þessu dæmi sem hefur verið í gangi þá þéttist hópurinn og strákarnir sáu um þetta í dag," sagði Ólafur.
Fréttirnar af brottrekstri Ása komu Ólafi á óvart.
„Já mjög. Ég nenni ekki eiginlega að tala um það en þær komu mjög á óvart já."
Ósammála þessari ákvörðun?
„Ég var ekki sammála henni. Það er satt. En svona er lífið sem þjálfari. Maður veit ekkert hvað gerist í þessu."
Hvert er þitt mat á stigasöfnun Fram í sumar?
„Mér finnst hún fín, ég er frekar ánægður með að vera þarna. Ég held að stefnan hafi verið sú að vera nálægt toppnum og eiga möguleika."
Varstu efins um að taka að þér að stýra liðinu eftir að hafa verið aðstoðarþjálfari Ása?
„Já ég var það. Ég neita því ekki. En það er margt sem spilar inn í. Ég var ekki rekinn... ég segi bara no comment á þetta."
Ertu tilbúinn að halda áfram með liðið?
„Ég vil ekki ræða það heldur. No comment á það. Ég hef mínar pælingar og annað slíkt. Ég mun alltaf taka ákvörðun. Þetta kemur bara í ljós."
„Þetta er bara eins og alkahólistinn. Bara einn dag í einu," sagði Ólafur léttur að lokum.
Viðtalið má sjá í heild í sjónvarpinu hér að ofan.
