Lionel Messi er leikjahæstur og markahæstur í sögu argentínska landsliðsins.
Hinn 36 ára gamli Lionel Messi, sem verður 37 ára á mánudaginn, bar fyrirliðaband Argentínu í 2-0 sigri gegn Kanada í Copa América í nótt.
Messi átti góðan leik, þar sem hann átti stóran þátt í fyrra marki Argentínu áður en hann lagði upp seinna markið.
Þegar hann mætti til leiks í nótt varð hann leikjahæsti leikmaður í sögu keppninnar, með 35 spilaða leiki.
Þrátt fyrir það hefur Messi aðeins unnið keppnina einu sinni, enda eru Argentínumenn ríkjandi meistarar.
Argentína vann keppnina eftir úrslitaleik gegn Brasilíu 2021 en hafði þar áður ekki unnið síðan 1993.
Þjóðin hefur þó fjórum sinnum komist í úrslitaleik mótsins frá 1993, en tapað tvisvar gegn Brasilíu og tvisvar gegn Síle. Þrír tapleikir af fjórum komu eftir vítaspyrnukeppni.
Athugasemdir
