Byrjunarlið Arsenal og Palace: Átta breytingar frá helginni

Jurriën Timber og Myles Lewis-Skelly koma inn í bakvarðarstöðurnar fyrir Ben White og Oleksandr Zinchenko á meðan Thomas Partey tekur sæti Mikel Merino á miðjunni og Raheem Sterling byrjar á kantinum í stað Bukayo Saka, sem sest á bekkinn. White og Merino eru ekki með í hópnum.

Arteta þarf að fara varlega með sína menn til að missa ekki lykilmenn í meiðsli fyrir stórleikina gegn Paris Saint-Germain í undanúrslitum Meistaradeildarinnar.

Arsenal er í öðru sæti ensku úrvalsdeildarinnar - þrettán stigum eftir toppliði Liverpool þegar fimm umferðir eru eftir.

Crystal Palace siglir lygnan sjó í neðri hluta deildarinnar og gerir Oliver Glasner þjálfari einnig fjórar breytingar frá markalausu jafntefli gegn Bournemouth um helgina. Hann þarf að hvíla lykilmenn fyrir undanúrslit FA bikarsins um næstu helgi.

Jefferson Lerma kemur inn í varnarlínuna og fer Daichi Kamada á miðjuna, á meðan Eddie Nketiah og Justin Devenny fá tækifæri í fremstu víglínu. Ismaila Sarr, Jean-Philippe Mateta og Will Hughes setjast á bekkinn en Chris Richards er í leikbanni.

Það verður gaman að sjá hvað Nketiah gerir gegn sínum gömlu liðsfélögum.

Arsenal: Raya; Timber, Saliba, Kiwior, Lewis-Skelly; Rice, Partey, Odegaard; Sterling, Trossard, Martinelli
Varamenn: Neto, Tierney, Saka, Zinchenko, Butler-Oyedeji, Gower, Henry-Francis, Kabia, Nwaneri

Crystal Palace: Henderson, Munoz, Lerma, Lacroix, Guehi, Mitchell, Wharton, Kamada, Eze, Devenny, Nketiah
Varamenn: Turner, Ward, Franca, Sarr, Mateta, Clyne, Hughes, Esse, Kporha