Schalke 04 stóð undir nafni er liðið tók á móti Þýskalandsmeisturum FC Bayern í dag og tapaði 0-4.

Heimamenn áttu ekki roð í meistarana í gríðarlega fjörugum og opnum leik þar sem bæði lið einblíndu á sóknarleikinn. Í heildina áttu liðin 46 marktilraunir í leiknum, 18 þeirra hæfðu rammann.

Schalke náði að skapa sér mikið af flottum færum en gestirnir frá Bayern voru gjörsamlega vaðandi í dauðafærum og hefðu getað skorað nokkur mörk í viðbót.

Joshua Kimmich lagði fyrstu þrjú mörk leiksins upp, tvö fyrir Thomas Müller og eitt fyrir Robert Lewandowski. David Alaba, sem virðist vera á förum frá Bayern, gerði fjórða markið undir lokin.

Bayern er með sjö stiga forystu á toppi þýsku deildarinnar. Þar trónir liðið með 42 stig eftir 18 umferðir.

Schalke er á botninum með sjö stig.