Óli Íshólm.
Viktor Freyr kom frá Leikni í vetur.
Það vakti athygli í dag að markmaðurinn Ólafur Íshólm Ólafsson var ekki í leikmannahópi Fram þegar liðið mætti ÍBV í Bestu deildinni.
Í hans stað var Viktor Freyr Sigurðsson í markinu en Viktor hafði átt mjög góðan leik gegn FH í bikarnum í síðustu viku.
Í hans stað var Viktor Freyr Sigurðsson í markinu en Viktor hafði átt mjög góðan leik gegn FH í bikarnum í síðustu viku.
Lestu um leikinn: ÍBV 3 - 1 Fram
Fótbolti.net ræddi við Sigurð Hrannar Björnsson, formann meistaraflokksráðs Fram, og hann segir að ákvörðun hefði verið tekin og Ólafur mætti fara frá félaginu.
„Óli var ekki sammála ákvörðun þjálfarans og hefur í kjölfarið óskað eftir því að yfirgefa félagið. Við höfum orðið við þeirri beiðni og leitum nú lausna á því máli."
„Óli hefur verið frábær fyrir Fram innan sem utan vallar og munum við klárlega sjá á eftir honum. Aftur á móti eigum við gríðarlega efnilegan markvörð í Viktori sem við hlökkum til að sjá vaxa enn frekar," segir Diddi.
Ólafur er 29 ára og uppalinn hjá Fylki. Hann hefur verið hjá Fram síðan 2019 en þar á undan var hann eitt sumar hjá Breiðabliki.
Alls á hann að baki 245 KSÍ leiki og lék á sínum tíma tvo leiki fyrir U16 landsliðið. Hann var fyrirliði Fram á síðasta tímabili.
Athugasemdir
