Tindastóll 2 - 0 Árborg
1-0 Svetislav Milosevic ('18)
2-0 Kolbeinn Tumi Sveinsson ('77)
1-0 Svetislav Milosevic ('18)
2-0 Kolbeinn Tumi Sveinsson ('77)
Lestu um leikinn: Tindastóll 2 - 0 Árborg
Fótbolti.net bikarkeppni neðrideildaliða fór af stað með skemmtilegri viðureign á Sauðárkróki þegar Tindastóll tók á móti Árborg.
Sauðkrækingar voru sterkari aðilinn á heimavelli en gestirnir frá Selfossi létu finna fyrir sér í hörðum slag sem einkenndist af mikilli baráttu.
Heimamenn tóku þó forystuna í fyrri hálfleik þegar Svetislav Milosevic skoraði eftir góða hápressu.
Þegar tók að líða á fyrri hálfleikinn gerðu gestirnir í liði Árborgar sig líklega til að jafna en Nikola Stoisavljevic stóð vaktina vel á milli stanga Tindastóls.
Stólarnir voru sterkari aðilinn í upphafi síðari hálfleiks en Selfyssingar tóku svo völdin í kaflaskiptum leik. Bæði lið fengu góð færi til að skora þar til heimamenn tvöfölduðu forystuna á 77. mínútu, skömmu eftir að Árborg hafði bjargað á marklínu frá Svetislav.
Í þetta sinn skoraði Kolbeinn Tumi Sveinsson furðulegt mark þar sem hann virtist ætla að gefa boltann fyrir markið, en hann endaði í netinu.
Allur kraftur virtist farinn úr Árborg svo lokatölur urðu 2-0 fyrir Tindastól sem fer áfram í 16-liða úrslit.
Athugasemdir
