Evrópska fótboltasambandið UEFA hefur höfðað mál gegn Álvaro Morata landsliðsfyrirliða Spánar og liðsfélaga hans Rodri eftir söngva sem þeir sungu eftir að hafa unnið EM í sumar.
Degi eftir sigur í úrslitaleiknum í Berlín hélt spænska landsliðið heim til Spánar til að fagna með þjóðinni og þegar komið var að Cibeles torginu í Madríd tók stuðningsfólk að syngja um smáríkið Gíbraltar.
Morata og Rodri tóku þátt í söngvunum sem sögðu að 'Gíbraltar er partur af Spáni' og fór það fyrir brjóstið á fótboltasambandinu í Gíbraltar, sem sendi kvörtun til UEFA.
UEFA ákvað að ákæra leikmennina fyrir óíþróttamannslega hegðun og fyrir að koma óorði á ímynd fótboltans með því að taka þátt í söngvunum.
Athugasemdir
