Guðmundur Magnússon, fyrrum fyrirliði Fram, hefur verið orðaður við Ægi í Þorlákshöfn. Frá þessu var greint í hlaðvarpinu Kjaftæðið í gær. Þar kemur fram að fleiri félög vilji fá Guðmund í sínar raðir.
Guðmundur og Fram komust í upphafi árs að samkomulagi um að rifta samningi hans, en eitt ár var eftir af samningnum. Hann lék seinni hluta síðasta tímabils á láni hjá Breiðablik.
Guðmundur, sem er 34 ára, hefur skorað 41 mark í 166 leikjum í efstu deild og 58 mörk í 148 leikjum í næstefstu deild.
Hann hefur verið orðaður við Grindavík en í viðtali við Fótbolta.net í síðasta mánuði sagði hann að eini maðurinn frá Grindavík sem hefði heyrt í honum hafi verið Damir Muminovic, leikmaður liðsins.
Þá hefur Leiknir í Breiðholti sýnt Guðmundi áhuga samkvæmt heimildum Fótbolta.net.
Guðmundur og Fram komust í upphafi árs að samkomulagi um að rifta samningi hans, en eitt ár var eftir af samningnum. Hann lék seinni hluta síðasta tímabils á láni hjá Breiðablik.
Guðmundur, sem er 34 ára, hefur skorað 41 mark í 166 leikjum í efstu deild og 58 mörk í 148 leikjum í næstefstu deild.
Hann hefur verið orðaður við Grindavík en í viðtali við Fótbolta.net í síðasta mánuði sagði hann að eini maðurinn frá Grindavík sem hefði heyrt í honum hafi verið Damir Muminovic, leikmaður liðsins.
Þá hefur Leiknir í Breiðholti sýnt Guðmundi áhuga samkvæmt heimildum Fótbolta.net.
Ægir vann 2. deildina á síðasta tímabili og hefur liðið bætt við sig fjórum nýjum leikmönnum fyrir komandi tímabil í Lengjudeildinni.
Athugasemdir
