24.11.20 - 12:29
Elvar Geir Magnússon
Mun Man City bjóða Messi tíu ára samning?
Lionel Messi er 33 ára.
Mynd: Getty Images
Lionel Messi er 33 ára.
Mynd: Getty Images
Framtíð Lionel Messi hefur verið í mikið í umræðunni og sú umræða er ekkert að fara þverrandi.
Argentínumaðurinn reyndi að yfirgefa Barcelona í sumar en misskilningur með samningamál gerðu það að verkum að hann fór ekkert og samningur hans rennur út í lok júní á komandi ári.
Argentínumaðurinn reyndi að yfirgefa Barcelona í sumar en misskilningur með samningamál gerðu það að verkum að hann fór ekkert og samningur hans rennur út í lok júní á komandi ári.
Breska blaðið The Times talar nú um að Manchester City gæti boðið Messi tíu ára samning sem myndi gera hann að sendiherra félagsins á heimsvísu eftir að skórnir fara á hilluna.
Hugmyndin er að Messi spili nokkur tímabil undir stjórn Guardiola hjá City.
Í samningnum býðst svo möguleiki á því að fara í eitthvert af félögunum sem eru undir City Football Group sem á fótboltafélög um allan heim; þar á meðal í Yokohama, Melbourne og New York. Messi yrði svo sendiherra City á heimsvísu.
Sagt er að Messi sé að bíða eftir því hvaða niðurstaða verður úr forsetakosningum Barcelona þann 24. janúar áður en hann tekur ákvörðun um framtíð sína.
Hugmyndin er að Messi spili nokkur tímabil undir stjórn Guardiola hjá City.
Í samningnum býðst svo möguleiki á því að fara í eitthvert af félögunum sem eru undir City Football Group sem á fótboltafélög um allan heim; þar á meðal í Yokohama, Melbourne og New York. Messi yrði svo sendiherra City á heimsvísu.
Sagt er að Messi sé að bíða eftir því hvaða niðurstaða verður úr forsetakosningum Barcelona þann 24. janúar áður en hann tekur ákvörðun um framtíð sína.
Etihad leikvangurinn í Manchester.
Mynd: Guðmundur Aðalsteinn Ásgeirsson
