Ísabella Sara Tryggvadóttir mun ekki spila með Val í sumar en hún hefur fengið félagaskipti til Svíþjóðar og mun spila þar í landi á komandi tímabili.
Fótbolti.net hefur ekki fengið upplýsingar um hvaða sænska félag sé búið að krækja í Ísabellu.
Hún er unglingalandsliðskona sem hefur leikið með Val undanfarin tvö ár og skrifaði undir nýjan samning við félagið nýverið. Hún gekk í raðir Vals frá KR fyrir tímabilið 2023. Hún skoraði þrjú mörk í Bestu deildinni 2023 og sex mörk á síðasta tímabili. Hún varð Íslandsmeistari 2023 og bikarmeistari í fyrra.
Fótbolti.net hefur ekki fengið upplýsingar um hvaða sænska félag sé búið að krækja í Ísabellu.
Hún er unglingalandsliðskona sem hefur leikið með Val undanfarin tvö ár og skrifaði undir nýjan samning við félagið nýverið. Hún gekk í raðir Vals frá KR fyrir tímabilið 2023. Hún skoraði þrjú mörk í Bestu deildinni 2023 og sex mörk á síðasta tímabili. Hún varð Íslandsmeistari 2023 og bikarmeistari í fyrra.
Hennar lokaleikur með Val var gegn Breiðabliki í undanúrslitum Lengjubikarsins síðasta föstudag þar sem hún fékk að líta rauða spjaldið. Hún á að baki 41 leik fyrir unglingalandsliðin og tvo fyrir U23 landsliðið.
Ísabella Sara er dóttir Tryggva Guðmundssonar sem er markahæsti leikmaður í sögu efstu deildar. Hún er yngri systir Guðmundar Andra sem er leikmaður KR.
Athugasemdir
