Napoli stefndi á titilbaráttu á þessu tímabili en liðið er í sjöunda sæti eftir fimm leiki í röð án sigurs.

Á dögunum vildi De Laurentiis senda leikmenn í viku æfingabúðir á æfingasvæði félagsins. Leikmenn og þjálfarinn Carlo Ancelotti neituðu við litla hrifningu De Laurentiis.

De Laurentiis hefur nú sektað leikmenn um 25% af mánaðarlaununum fyrir vikið en um er að ræða hæstu mögulegu sekt.

Öllum leikmönnum Napoli hefur verið bannað að tjá sig í fjölmiðlum og þá er óvíst hvort Ancelotti mæti sjálfur á fréttamannafund á morgun fyrir leikinn gegn Liverpool á miðvikudag.