Erik ten Hag fær medalíu frá Vilhjálmi Bretaprins
Erik ten Hag stjóri Man Utd vann annan bikarinn sinn með félaginu í gær þegar liðið vann Man City 2-1 í úrslitum enska bikarsins.
Liðið vann enska deildarbikarinn á síðustu leiktíð en tapaði þá í enska bikarnum. Ten Hag hefur verið mikið gagnrýndur en hann er mjög stoltur af sínum áfanga síðaan hann tók við sumarið 2022.
„Þegar ég tók við var allt í rugli. Liðið hefur ekki spilað marga úrslitaleiki undanfarinn áratug, ekki unnið marga titla og ekki margir ungir og spennandi leikmenn komið upp," sagði Ten Hag.
„Nú er liðið að vinna bikara og er með ákveðinn leikstíl en maður þaarf leikmenn til að vera klárir."
Athugasemdir
