Klukkan 17:55 hefst leikur Molde og Arsenal í Evrópudeildinni.

Markvörðurinn Rúnar Alex Rúnarsson er í byrjunarliði Arsenal. Íslendingurinn hefur leikið einn leik fyrir Arsenal til þessa en það var gegn Dundalk í riðlinum.

Nicolas Pepe er einnig í byrjunarliðinu hjá Arsenal en heima á Englandi er hann á leið í þriggja leikja bann eftir rauða spjaldið sem hann fékk gegn Leeds. Þá er David Luiz í byrjunarliðinu en hann missti af leiknum gegn Leeds því hann var viðstaddur fæðingu dóttur sinnar.

Bukayo Saka og Willian eru að glíma við meiðsli og eru ekki með Arsenal í kvöld en vonast til að geta spilað gegn Úlfunum í ensku úrvalsdeildinni á sunnudagskvöld.

Arsenal er með fullt hús stiga eftir þrjár umferðir í B-riðli, þremur stigum á undan Molde sem er í öðru sæti.

Byrjunarlið Arsenal: Rúnar Alex Rúnarsson, Cedric, Mustafi, Luiz, Maitland-Niles, Xhaka, Willock, Pepe, Lacazette, Nelson, Nketiah.

(Varamenn: Macey, Hein, Bellerin, Tierney, Ceballos, Holding, Smith Rowe, Balogun, Cottrell, Azeez)