Alfreð Elías Jóhannsson, þjálfari Grindavíkur, ræddi við Fótbolta.net eftir tap gegn ÍR í Mjólkurbikarnum á þriðjudag.
Annan leikinn í röð fékk Thiago Dylan Ceijas, leikmaður Grindavíkur, að líta rautt spjald fyrir tæklingu. Hann fékk beint rautt spjald gegn Þór á föstudag en það stoppaði hann ekki í að fara í glæfralega tæklingu gegn ÍR.
Annan leikinn í röð fékk Thiago Dylan Ceijas, leikmaður Grindavíkur, að líta rautt spjald fyrir tæklingu. Hann fékk beint rautt spjald gegn Þór á föstudag en það stoppaði hann ekki í að fara í glæfralega tæklingu gegn ÍR.
Gegn Þórsurum hegðaði leikmaður Grindavíkur sér illa og sparkaði í kælibox við varamannaskýli Grindavíkur. Fyrir það fékk Alfreð sjálfur rautt spjald þar sem dómari leiksins sá ekki hvaða aðili átti í hlut.
Þegar Thiago gekk af velli gegn ÍR sparkaði Thiago í vatnsbrúsa við varamannabekkinn og var Alfreð alls ekki sáttur við sinn mann.
„Sparkar í brúsa við bekk Grindavíkur þegar hann gengur framhjá. Alfreð rýkur upp og rífur í hann og húðskammar," skrifaði Sverrir Örn Einarsson á 74. mínútu í textalýsingu frá leiknum.
„Þetta er bara óþolandi og algjörlega óboðlegt. Mennirnir á bekknum voru skynsamir í dag en þessi leikmaður í bræði sinni sparkar í vatnsbrúsa á þessu augnabliki og það er bara eins og það er en hann þarf að fara hugsa sinn gang það er nokkuð ljóst," sagði Alfreð svo í viðtali eftir leik.
Ræddiru við strákana eftir leikinn við Þór hvernig hausinn ætti að vera í mótlæti?
„Já já, við erum búnir að vera vinna mikið í því að reyna slípa okkur saman, vera góð liðsheild og gera hlutina saman. Það verða hægðir og lægðir í þessu og það er spurning hvernig við bregðumst við mótlætinu þegar lægðirnar koma. Við verðum að vera tilbúnir í það. Hérna er ein lægð, við þurfum að vera skynsamir."
„Það er stutt í næsta leik, þurfum að ná góðri endurheimt því framundan er stórleikur gegn Fylki," sagði Alfreð sem verður ekki á hliðarlínunni í þeim leik þar sem hann tekur út leikbann.
Hann greindi þá frá því að Aron Jóhannsson væri „létt" meiddur.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir