John Murtough, yfirmaður fótboltamála hjá Manchester United, segir að það sé skýrleiki og bjartsýni hjá félaginu eftir að Erik ten Hag var ráðinn sem stjóri.

Ten Hag hefur tekið til starf á Old Trafford og Murtough spjallaði við stuðningsmannafélag United og kallaði eftir því að sýnd yrði þolinmæði.

Hann segir alla meðvitaða um að síðasta tímabil hafi verið mikil vonbrigði og að allir hjá félaginu væru ákveðnir í að áberandi bæting yrði sjáanleg á næsta tímabili.