Fótbolti.net

Spenntur fyrir næsta skrefi - „Einn besti markvarðarþjálfari sem þú finnur á Íslandi"

Heimspekingur, kennari og nú þjálfari - „Þetta eru tímamót"

Bannað að mæta á stjórnarfund og var ráðinn í kjölfarið - „Mjög stoltur að félagið sé til í að veðja á mig"

Sverrir Ingi: Ef við viljum fara alla leið þá þurfum við að vera með okkar bestu menn

Leikplanið breytist þegar Orri meiðist - „Vorum ekki búnir að undirbúa okkur“

Jói Berg: Hareide verið flottur og það er uppgangur

Pirrandi hvernig við köstuðum þessu frá okkur - „Getur ekki kastað sér á bakvið það"

Aron telur Hareide á réttri leið - „Væri klárlega til í að sjá Norðmanninn áfram“

Andri Lucas: Stundum er fótboltinn svona, hann er ekki alltaf fallegur

Gulli Victor: Ég mæti hingað og er fagmaður

Orri Steinn hrósar varamönnunum: Breyta leiknum

Jón Dagur: Hann getur verið erfiður stundum

Jói Berg: Við gerðum þetta oft áður fyrr

Hákon: Hlaut einhver af þeim að hafa verið rangstæður

Logi svekktur að missa af leiknum gegn Wales: Var spenntur

Gripið í eistun á Stefáni - „Skil þetta ekki"

Mikael Egill: Ég sá bara Orra fagna í smettið á þeim

Age hreinskilinn: Fótbolti er fyndin íþrótt

Ísak: Nýtti það að vera smá reiður

Guðlaugur Victor: Hefur verið smá erfitt fyrir mig persónulega

sun 27. september 2020 17:11

Baldvin Már Borgarsson

Óli Skúla hrósar dómaranum: Rekur bara olnbogann í andlitið á mér

Mynd: Fótbolti.net - Hafliði Breiðfjörð

Ólafur Ingi Skúlason var sáttur að leikslokum eftir gríðarlega dramatískan 2-1 sigur gegn KR á Meistaravöllum fyrr í dag.

Ólafur Ingi var í brennidepli í lok leiks þar sem hann fiskaði vítaspyrnu og rautt spjald á Beiti sem kastaði boltanum í leik en rak höndina í andlitið á Óla í kjölfarið, við tók svakaleg atburðarás sem endaði með vítaspyrnu og rauðu spjaldi á Beiti, Sam Hewson skoraði á Guðjón Orra í marki KR og innsiglaði þar með sigur Fylkis.

Lestu um leikinn: KR 1 - 2 Fylkir

„Öll þrjú stig eru góð, sérstaklega á útivelli. Erfiðar aðstæður í dag, blautur og þungur völlur, erfitt að spila samba bolta en þrjú stigin eru sæt.''

Völlurinn var gríðarlega blautur og mynduðust pollar sem höfðu áhrif á leikinn, fannst Óla aðstæðurnar boðlegar?

„Það má alveg deila um það en þetta er bara staðan. Við búum bara hérna á norðurhveli jarðar og við svosem vitum það að þetta getur gerst þegar við spilum á grasvöllum sem drena ekki vel.''

Undirritaður fékk Ólaf Inga til að fara aðeins í gegnum atburðarásina í lok leiks þar sem hann á í viðskiptum við Beiti sem endaði með vítaspyrnu og rauðu spjaldi á Beiti.

„Mín upplifun er bara þannig að boltinn kemur fyrir og ég held að einhver nái að snerta hann áður en Beitir grípur, mín hugmynd var bara að reyna að trufla hann í útkastinu svo að þeir færu ekki hratt upp völlinn, ég lendi svona fyrir aftan hann og er að reyna að trufla hann í bakinu og hann kastar boltanum út og svo rekur hann bara olnbogann í andlitið á mér, beint í nefið og ég held að það sé alveg á hreinu að þetta sé ekki eðlileg hreyfing hjá honum. Hann ætlaði greinilega eitthvað að reyna að svara fyrir sig eða ég veit ekki hvað, þetta er allavega ekki náttúruleg hreyfing svona löngu eftir að hann kastar boltanum út, ég hrósa bara dómaranum fyrir að hafa séð þetta því þetta er bara hárréttur dómur.''

Var upprunaleg hugsun Óla að reyna að stöðva hraða sókn fyrir höfuðhögg eða var hann að sækjast eftir víti og rauðu?

„Ég var náttúrulega ekki að reyna að fá neitt, ég var bara að reyna að stoppa hann í að kasta fljótt út og stoppa hraða sókn, það var það sem ég var að reyna. En ef þú rekur hendurnar í andlitið á mótherja, er það ekki samkvæmt reglunum rautt og víti ef það gerist innan vítateigs?'' Spyr Óli á móti.

Viðtalið í heild sinni má sjá í spilaranum hér að ofan.