Armenía vann 2-0 sigur gegn Íslandi í leik liðanna í undankeppni HM 2022.
Hægt er að sjá mörkin úr leiknum hér neðst í fréttinni.
Hægt er að sjá mörkin úr leiknum hér neðst í fréttinni.
Farið var yfir mörkin eftir leikinn á RÚV en Arnar Gunnlaugsson og Atli Viðar Björnsson voru þar sérfræðingar.
„Það er gott og blessað að vera í lágvörn en þú verður að sýna ákefð þegar þú ert að reyna að ná í boltann. Það er alltof mikið gutl í leikmönnum Íslands og léleg hjálparvörn. Ari veit að þetta er vinstri fótar maður og það þarf að loka betur á skotvinkilinn hans. Mögulega getur Hannes gert betur, en um leið og sendingin kemur yfir þá þarf að koma aggresív færsla og það þarf að koma á einhverju tempói og af einhverri ákefð," sagði Arnar.
„Það er rosalega lítil ákefð í pressunni í lágvörninni, þegar við erum komnir niður með liðið og í skipulagi," sagði Atli Viðar.
„Ef fyrra markið var lélegt þá var seinna markið enn lélegra. Þetta er léleg vörn; Albert er ekki að hjálpa til, Jói er langt frá stöðunni og mögulega orðinn þreyttur, Birkir er skilinn eftir. Auðvitað á hann (Birkir) að gera betur. Þetta er bara leikstaðan einn og einn. Lars Lagerback talaði alltaf um það að tapa aldrei stöðunni einn á einn, hvar sem er á vellinum. Þetta er bara dapurt," sagði Arnar.
Mörkin má sjá hér að neðan.
Ó nei! Armenar komast yfir með skoti Tigran Barseghyan utarlega úr teignum. Blaut tuska!
— RÚV Íþróttir (@ruvithrottir) March 28, 2021
1-0 í Yerevan eftir 52 mínútna leik. pic.twitter.com/jqfo2z1Ls1
2-0! Þetta er ekki gott. Aron Einar tapar boltanum klaufalega og Armenar bruna fram völlinn og skora annað mark leiksins. Korter eftir. pic.twitter.com/qDh1zqTUr8
— RÚV Íþróttir (@ruvithrottir) March 28, 2021
Athugasemdir