England: Newcastle með öruggan sigur á Everton

Þetta er fljótasta mark tímabilsins til þessa en hann gerði betur en Phil Foden sem skoraði eftir 59 sekúndur í dramatískum sigri Man City gegn Leeds fyrr í dag.

MIley bætti öðru markinu við eftir mikinn atgang inn á teig Everton. Hann átti skot sem fór beint á Pickford en hann leit ansi illa út og boltinn fór framhjá honum.

Newcastle var ekki búið að segja sitt síðasta í fyrri hálfleik. Nick Woltemade bætti þriðja markinu við þegar hann vippaði boltanum snyrtilega yfir Jordan Pickford.

Iliman Ndiaye átti fyrsta skot Everton á markið snemma í seinni hálfleik en Aaron Ramsdale, sem fékk tækifæri í marki Newcastle, varði frá honum.

Stuttu síðar gerði Thiaw svo gott sem út um leikinn þegar hann skoraði sitt annað mark og fjórða mark Newcastle.

Thierno Barry virtist vera klóra í bakkann fyrir Everton en hann fékk boltann í höndina áður en hann skoraði og markið réttilega dæmt af. Stuttu síðar tókst Kieran Dewsbury-Hall að klóra í bakkann en nær komust þeir ekki.

Newcastle er í 11. sæti með 18 stig eftir 13 umferðir en Everton er í 14. sæti, einng með 18 stig.