Arsenal hefur staðfest að Norðmaðurinn Martin Ödegaard er orðinn nýr fyrirliði félagsins eftir brottför Alexandre Lacazette á frjálsri sölu í sumar.
Ödegaard er 23 ára gamall og hefur haft gríðarlega mikil áhrif hjá Arsenal frá komu sinni frá Real Madrid.
Ödegaard, sem á 43 landsleiki fyrir Noreg þrátt fyrir ungan aldur, skoraði sjö mörk og gaf fjórar stoðsendingar í 36 leikjum á síðasta úrvalsdeildartímabili.
Mikel Arteta hefur miklar mætur á Ödegaard og tók hann þessa ákvörðun. Stjórn félagsins og leikmenn eru ánægðir að Ödegaard hafi verið valinn sem nýr fyrirliði.
Það voru ekki margir aðrir sem komu til greina í fyrirliðavalinu. Granit Xhaka fékk sitt tækifæri fyrir nokkrum árum en það endaði ekki vel.
🥁 Introducing our new captain...
— Arsenal (@Arsenal) July 30, 2022
𝗠𝗮𝗿𝘁𝗶𝗻 𝗢𝗱𝗲𝗴𝗮𝗮𝗿𝗱! 😍