Hann er búinn að fá nóg af stjórnarháttum félagsins og vill róa á önnur. Hann hefur verið sterklega orðaður við Manchester City.

Messi er staðráðinn í að fara og ætlar ekki að mæta á liðsæfingu á morgun.

Fjölmiðlamaðurinn Marcelo Bechler, sem greindi manna fyrstur frá því fyrir nokkrum vikum að Messi vildi fara frá Katalóníu, segir að argentíski snillingurinn hafi tjáð Börsungum frá því að hann sé ekki lengur leikmaður félagsins.

Josep Maria Bartomeu, forseti Barca, ætlar ekki að leyfa hinum 33 ára gamla Messi að fara. Hann er sagður vilja 700 milljónir evra fyrir argentínska snillinginn, sem á eitt ár eftir af samningi.

Messi vill meina að hann megi rifta samningi sínum, en fjölmiðlamaðurinn Alfredo Martinez segir að hann vilji ekki fara með málið fyrir dómstóla.