Valur er komið á toppinn í Bestu deild kvenna eftir sigur í stórleiknum gegn Breiðabliki á N1 vellinum á Hlíðarenda í kvöld.
Valskonur voru með þónokkra yfirburði í fyrri hálfleik og voru með verðskuldaða forystu eftir að Katie Cousins kom liðinu yfir snemma leiks. Hún fékk nægan tíma fyrir utan teiginn að munda skotfótinn og skoraði laglegt mark.
Valur hélt áfram að ógna en Blikar fengu sitt besta færi í leiknum eftir rúmlega klukkutíma leik þegar Katrín Ásbjörnsdóttir var í færi en hitti boltann ekki vel með höfðinu.
Berglind BJörg fékk færi fyrir Val stuttu síðar en varnarmenn Blika komust fyrir. Fleiri mörk urðu ekki skoruð og því gríðarlega mikilvægur sigur Valskvenna í titilbaráttunni.
Það var svakalegur leikur í Víkinni þar sem FH var í heimsókn. Aðeins eitt stig skilur liðin að í 4. og 5. sæti deildarinnar.
Gestirnir komust í tveggja marka forystu í fyrri hálfleik en Linda Líf Boama minnkaði muninn fyrir lok fyrri hálfleiks af miklu harðfylgi.
Strax í upphafi síðari hálfleiks skoraði Shaina Ashouri, fyrrum leikmaður FH, og jafnaði metin fyrir Víking. Shaina innsiglaði síðan sigur Víkings með marki undir lok leiksins gegn gömlu félögunum.
Víkingur R. 3 - 2 FH
0-1 Elísa Lana Sigurjónsdóttir ('22 )
0-2 Hildigunnur Ýr Benediktsdóttir ('34 )
1-2 Linda Líf Boama ('45 )
2-2 Shaina Faiena Ashouri ('46 )
3-2 Shaina Faiena Ashouri ('88 )
Lestu um leikinn
Valur 1 - 0 Breiðablik
1-0 Katherine Amanda Cousins ('9 )
Lestu um leikinn
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 18 | 16 | 1 | 1 | 48 - 16 | +32 | 49 |
| 2. Breiðablik | 18 | 16 | 0 | 2 | 46 - 9 | +37 | 48 |
| 3. Þór/KA | 18 | 9 | 3 | 6 | 40 - 28 | +12 | 30 |
| 4. Víkingur R. | 18 | 8 | 5 | 5 | 28 - 29 | -1 | 29 |
| 5. FH | 18 | 8 | 1 | 9 | 30 - 36 | -6 | 25 |
| 6. Þróttur R. | 18 | 7 | 2 | 9 | 23 - 27 | -4 | 23 |
| 7. Stjarnan | 18 | 6 | 3 | 9 | 22 - 34 | -12 | 21 |
| 8. Tindastóll | 18 | 3 | 4 | 11 | 20 - 41 | -21 | 13 |
| 9. Fylkir | 18 | 2 | 4 | 12 | 17 - 34 | -17 | 10 |
| 10. Keflavík | 18 | 3 | 1 | 14 | 16 - 36 | -20 | 10 |
