Ólafur Þór Gunnarsson er kominn í Þrótt.
Markvörðurinn Ólafur Þór Gunnarson er genginn til liðs við Þrótt að nýju eftir að hafa verið í fríi frá knattspyrnu síðan árið 2009.
Ólafur Þór hefur verið að reyna að hætta í fótbolta undanfarin ár en tók hanskana síðast úr hillunni sumarið 2009 eftir að Fjalar Þorgeirsson markvörður Fylkis handarbrotnaði.
Þá lék hann síðustu níu leiki Fylkis í deild og bikar og áttu frábæra leiki.
Hann lék síðast með Þrótti sumarið 2007 er hann lék 25 leiki með liðinu í deild og bikar og er nú komin með leikheimild með liðinu að nýju.
Trausti Sigurbjörnsson markvörður Þróttar hefur verið meiddur upp á síðkastið og félagið hefur því leitað til Ólafs að nýju en hann hefur mikla reynslu og hefur leikið 176 leiki í deild og bikar.
Hann hefur einnig leikið með ÍR, ÍA, Val og FH.
