Rafael Benítez, stjóri Newcastle, segir að sigur liðsins gegn Watford hafi breytt andrúmsloftinu i borginni og félaginu. Hann segist finna fyrir auknum krafti.

Þetta var fyrsti sigur liðsins á tímabilinu en í Newcastle borg er gríðarlegur fótboltaáhugi og stuðningsmennirnir einir þeir dyggustu á Bretlandseyjum.

„Maður finnur muninn á æfingasvæðinu og í borginni. Sjálfstraustið er meira. En þetta var bara eitt skref fram á við," segir Benítez.

„Það eru allir glaðari eftir mikilvægan sigur og vonandi munum við ná að viðhalda þeirri tilfinningu."

Newcastle er komið upp úr fallsæti, á markatölu, en liðið mætir Bournemouth á morgun.

„Bournemouth er á góðum stað í deildinni. Liðið er að spila vel og með mikið sjálfstraust."

Benítez sat fyrir svörum á fréttamannafundi en þar kom fram að Yoshinori Muto, Jonjo Shelvey og Jamaal Lascelles munu líklega allir missa af leiknum á morgun.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit