Geir er hæstánægður með Infantino.
Síðasta föstudag var nýr forseti FIFA kjörinn en það var Svisslendingurinn Gianni Infantino sem hafði betur eftir spennandi baráttu við sjeikinn Salman bin Ebrahim al-Khalifa. Infantino hefur starfað sem framkvæmdastjóri UEFA.
Infantino hafði stuðning frá langstærstum hluta Evrópu, þar á meðal frá KSÍ. Geir Þorsteinsson, formaður KSÍ, er sannfærður um að hann sé rétti maðurinn í það starf að taka til innan FIFA.
Infantino hafði stuðning frá langstærstum hluta Evrópu, þar á meðal frá KSÍ. Geir Þorsteinsson, formaður KSÍ, er sannfærður um að hann sé rétti maðurinn í það starf að taka til innan FIFA.
„Ég hef mikla trú á honum og held að það hafi verið algjörlega nauðsynlegt að gera þessar breytingar. Hann er af nýrri kynslóð og getur tekið til hendinni. Hann þekkir allt innan knattspyrnunnar mjög vel og er inn í öllum málum. Þetta tekur tíma en hann er heiðarlegur og ábyrgur náungi. Ég er klár á því að hann mun stýra FIFA-skipinu á réttar brautir," segir Geir.
Einhverjir efast um Infantino þar sem hann hefur unnið náið með Michel Platini og Sepp Blatter sem eru báðir í banni frá afskiptum af fótbolta vegna spillingamála.
„Maður hefur heyrt slíkar raddir en hann kom hvergi nálægt þeim málum. Það þekkja allir störf Infantino svo ég hef ekki áhyggjur."
Hægt er að sjá viðtalið við Geir um forsetamál FIFA í sjónvarpinu hér að ofan.
