Tveir eru látnir og 192 særðir eftir að Paris Saint-Germain vann Meistaradeild Evrópu í gær en þetta kemur fram í tilkynningu frá innanríkisráðuneytinu.
PSG varð Evrópumeistari í fyrsta sinn í sögunni er liðið slátraði Inter, 5-0, á Allianz-leikvanginum í München í gær.
Þetta var aðeins í annað sinn sem franskt lið vinnur keppnina á eftir mögnuðu sigurliði Marseille frá 1993.
Mikil fagnaðarlæti brutust út víða um Frakkland sem leiddust út í óeirðir.
Í tilkynningu innanríkisráðuneytisins kemur fram að lögreglan hafi handtekið 559 manns, þar af 491 manns í París. Tveir létu lífið og 192 særðust.
Samkvæmt skýrslu lögreglu lést 17 ára drengur eftir að hafa verið stunginn í bringuna í bænum Dax og þá dó 23 ára karlmaður í umferðarslysi í miðborg París.
Stuðningsmenn PSG skutu flugeldum og blysum víða um Frakkland, en mörg myndbönd hafa verið birt af fagnaðarlátunum sem snérust upp í óeirðir. Kveikt var í bílum, rúður brotnar í verslunarklösum og mikið um slagsmál á götum Parísar.
PARIS: 2 dead, 192 injured, 426 arrested, and hundreds of millions of euros in damage in a night of mayhem.
— Dr. Maalouf ? (@realMaalouf) June 1, 2025
How many more times will this happen before Europe finally wakes up?
pic.twitter.com/33RDcTWneM
Athugasemdir
