„Mér líður vel. Vindurinn hafði auðvitað áhrif á þennan leik en mér fannst við spila fyrri hálfleikinn vel á móti vindi. Seinni hálfleikurinn var ekki nógu góður með vindi en við sigldum þessum heim og það er það eina sem skiptir máli." sagði Bjarni Mark Duffield leikmaður Vals eftir 2-1 sigurinn á Fram í Bestu deildinni í kvöld
Lestu um leikinn: Valur 2 - 1 Fram
Frederick Schram lagði upp eitt mark sem er ekki algengt að markverðir leggja upp. Bjarni Mark Duffield lagði einnig upp fyrsta markið á Patrick Pedersen
Bjarni Mark Duffield hefur gengið í gegnum margt á síðusta ári en hann var orðaður frá Val í vetur og var Bjarni spurður hvernig síðustu mánuðir hafa verið
,,Ég var allan tímann rólegur. Ég, Tufa og leikmennirnir í liðinu vissum eiginlega allan tímann að ég væri ekki að fara neitt en það er auðvitað gaman þegar það kemur áhugi og maður íhugar það en einhvern veginn innst inni var ég alltaf að fara vera í Val, ég er mjög ánægður í Val. Klúbburinn er geggjaður, Tufa var mjög hreinskilinn við mig alveg frá byrjun þegar fyrsta tilboð kom að ég væri ekki að fara neitt. Ég var bara ánægður með það og það sama og ég sagði við Val, mér er alveg sama hver labbar inn um dyrnar, ég er alltaf klár í samkeppni og ég vinn hana bara. Svo þarf maður bara að sjá hvort maður geri það eða ekki."
„Það er bara undir mér komið að takast á við það og þegar maður er í eins stórum klúbb og Val að þá ertu ekert með neitt gefins byrjunarliðssæti og ég var bara alltaf klár í alvöru samkeppni og ég er bara ánægður með hvernig þetta er að þróast."
