Freyr Alexandersson, þjálfari Brann.
Freyr kátur eftir leikinn í dag.
„Þetta var kannski allt sem ég óskaði mér þar sem við fengum á okkur tvö mörk í fyrri hálfleik sem eru algjör óþarfi. En að skora fjögur í fyrri hálfleik, vera miklu betri og virkilega agressívir var frábært," sagði Freyr Alexandersson, þjálfari Brann, við Fótbolta.net eftir 4-2 sigur gegn Kristiansund í norsku úrvalsdeildinni í dag.
Brann skellti sér upp í annað sæti norsku deildarinnar með sigrinum en frammistaða liðsins í fyrri hálfleiknum - lengst af - var fáránlega góð.
Brann skellti sér upp í annað sæti norsku deildarinnar með sigrinum en frammistaða liðsins í fyrri hálfleiknum - lengst af - var fáránlega góð.
„Við þurftum helst að leiða leikinn með tveimur mörkum eða meira eftir fyrri hálfleik, það var óskastaðan í kjölfarið á því að við spiluðum mjög erfiðan leik á fimmtudagskvöld. Við gerðum það og svo gátum við nýtt seinni hálfleik í að æfa ákveðna hluti sem við höfum ekki náð að æfa fyrr á tímabilinu."
Frammistaða Brann í fyrri hálfleiknum minnti svolítið á PSG í úrslitaleik Meistaradeildarinnar í gær.
„Já, akkúrat. Það var svolítið þannig stemning og bara geggjuð upplifun. Það var mikill léttir fyrir mig að sjá að við værum virkilega 'on it' því ég vissi ekki hvernig við myndum höndla það eftir fimmtudaginn. Ég hef ekki kynnst liðinu í gegnum alla fasa af mótlæti, meðbyr og svo framvegis. Það var smá slag í andlitið á fimmutdaginn og þetta voru virkilega flott viðbrögð hjá leikmönnum í dag."
Það var virkilega gaman að fá að upplifa skemmtilegu stemninguna á Brann Stadion í dag. Ertu orðinn vanur þessu?
„Ég er orðinn vanur og gaman að þú fékkst að upplifa þetta. En þetta var svona frekar lágstemmt í dag. Ég veit ekki hvort það hafi verið mikið partý á fólkinu í gær eða hvað það var. Þú kemur bara aftur þegar það eru meiri flugeldar og meiri læti," sagði Freyr léttur.
Allt viðtalið má sjá í spilaranum hér að ofan en ítarlegt hlaðvarpsviðtal við Freysa var einnig birt hér á síðunni í gær..
Athugasemdir
